ᑌᒫᑦ ᓂᕈᐊᕐᑕᐅᒪᑦᓱᓂ ᐊᖓᔪᒃᖃᐅᓂᕐᒧᑦ ᑖᑦᓱᒪᓂ ᐊᕙᑕᖅ ᐱᐅᓯᑐᖃᓕᕆᕕᒻᒥ ᑭᓪᓕᕆᑦᓱᒍ 1998 ᑎᑭᑦᑐᒥᒃ 2001ᒧᑦ, ᐅᔮᐳᑦ (ᐅᔮᐱ) ᒍᐊᑦ ᑲᒪᔪᕕᓂᖅ ᓯᕗᓪᓕᐹᒍᑎᓪᓗᒍ ᐊᑐᕆᐅᕐᑐᒥᒃ ᑲᓇᑕᓕᒫᒥ ᑲᑎᓐᓂᖓᓂᒃ ᑕᒐ ᑲᓇᑕᒥᐅᑦ ᐃᓄᐃᑦ ᑲᑕᑦᔭᑏᑦ ᐸᕐᓇᑕᐅᑎᓪᓗᒍ ᑖᑦᓱᒧᖓ ᐊᕙᑕᖅ ᐱᐅᓯᑐᖃᓕᕆᕕᒻᒧᑦ. ᑖᓐᓇ ᑲᑎᓐᓂᖅ ᐊᒃᖁᓯᕐᓱᓂ ᐱᒍᑎᑦᓴᒥᒃ ᑖᒃᑯᓇᓐᖓᑦ ᑯᐯᒃ ᑲᕙᒪᒃᑯᓂᑦ ᑲᑕᑦᔭᓂᖅ ᐊᔪᒉᑦᑑᓱᓂ ᐱᐅᓯᑐᖃᐅᒻᒪᑦ ᕿᒻᒪᖁᓯᐊᖅ ᓇᓗᓀᕐᓱᒍ ᑯᐯᒃᒥ. ᑌᒪ, ᑐᖓᓕᐅᑦᓱᓂ-ᑐᑭᒧᐊᑦᑎᓯᔪᒧᑦ ᑌᑦᓱᒧᖓ ᐃᓄᐃᑦ ᖃᐅᔨᓴᕐᓂᒥᒃ ᑌᑲᓂ ᓱᓕᔪᒃᑯᑦ ᐊᒻᒪᓗ ᓭᒻᒪᐅᑎᓂᕐᒧᑦ ᑎᓕᔭᐅᒪᐅᑎᓄᑦ, ᐊᖑᑎ ᒍᐊᑦ ᑕᑯᓂᐊᕋᕐᓯᒪᔪᖅ ᐊᒥᓱᐃᓄᑦ ᑲᓇᑕᒥ ᓄᓇᓄᑦ, ᑲᑎᕐᓱᐃᓱᓂ ᑎᑭᐅᑎᑲᓵᑦᑐᓂᒃ 800ᓄᑦ ᐊᓪᓚᑕᐅᒪᒍᑎᓂᒃ ᐱᑦᓱᒋᑦ ᐃᓕᓴᕆᐊᕐᑎᑕᐅᖃᑦᑕᑐᕕᓂᕐᓂᑦ ᐊᒻᒪᓗ ᑭᖑᕚᕐᓯᐅᕈᑎᓄᑦ ᐅᖓᓕᐊᕇᓂᒃ ᑲᑉᐱᐊᓇᕐᑐᑰᕐᓯᒪᐅᑎᓂᒃ ᐊᓐᓇᑐᕕᓂᕐᓄᑦ. ᑐᓵᑦᓱᒋᑦ ᐋᓐᓂᐊᓇᕐᑐᑦ ᐊᒻᒪᓗ ᑌᒪ ᓂᕆᐅᓐᓂᓂᒃ ᐱᕕᐅᓚᕿᑎᓪᓗᒋᑦ ᑕᒪᒃᑯᐊ ᐅᒃᖃᕆᑦᓴᐅᑎᐅᔪᑦ ᐊᖏᓕᐅᒥᑎᑦᓯᑎᓪᓗᒍ ᓇᒻᒥᓂᕐᒥᑕ ᖃᐅᔨᒪᔭᖏᓐᓂᒃ ᕿᖑᒃᕕᓯᒪᔭᓂ ᐊᒻᒪᓗ ᑭᓇᐅᓂᕐᒥᓂᒃ.
ᓱᓕᐅᒻᒥᔪᕐᓗ ᖃᒻᒥᓂᑕᕐᒥᒃ, ᒥᓯᑕ ᒍᐊᑦ ᐊᖓᔪᒃᖃᐅᕕᓕᕕᓂᖅ ᐊᒻᒪᓗ ᑭᒡᒐᑐᕐᑎᐅᓱᓂ ᑲᑎᕕᒃ ᐃᓕᓴᕐᓂᓕᕆᓂᕐᒥ. ᐱᔭᑦᓴᒥᓂᒃ ᐊᑐᕐᓱᓂ, ᕿᑲᐅᑦᔨᔭᓇᒍ ᐃᑲᔪᕐᓱᓂ ᐱᒋᐊᕐᑎᓯᓂᕐᒥᒃ ᓯᕗᒧᒃᑲᓂᕐᑎᓱᒍ ᓴᐳᑦᔭᐅᓂᖓᓂᒃ, ᓲᖑᓯᒋᐊᕐᑕᐅᓂᖓᓂᒃ ᐊᒻᒪᓗ ᐱᕙᓪᓕᐊᔭᐅᓂᖓᓂᒃ ᐃᓄᒃᑎᑐᑦ ᐅᖃᐅᓯᐅᑉ ᐊᒃᖁᓯᕐᑐᒥᒃ ᐃᓕᓐᓂᐊᕕᑎᒍᑦ ᐃᓕᓐᓂᐊᒐᕐᓄᑦ ᑐᓐᖓᕕᓕᒻᒥᒃ ᑕᒃᕙᓂ ᐃᓄᐃᑦ ᑭᓇᐅᓂᖓᓂᒃ ᐊᒻᒪᓗ ᓯᓚᕐᕈᐊᑉ ᑕᐅᑐᒍᓯᖓᓂᒃ. ᑭᖑᓪᓕᐹᒥ, ᐅᔮᐱ ᑎᒃᑯᐊᑕᕕᓂᖅ ᑐᑭᒧᐊᑦᑎᓯᔨᐅᕕᒻᒧᑦ ᑌᑯᖓ ᓄᑖᒧᑦ ᐃᓂᒧᑦ ᑭᒡᒐᑐᕐᑎᐅᓂᐊᕐᓱᓂ ᓄᓇᓕᑐᙯᑦ ᐅᖃᐅᓯᓕᕆᕕᖓᓂ ᑲᓇᑕᒥ. ᑖᓐᓇ ᓄᓇᓯᒪᕗᖅ ᑌᑲᓂ ᐊᑐᒍᐊᒥ.
ᐅᔮᐳ ᒍᐊᑦ
ᖃᓂᒪᓐᓇᐅᑉ ᑰᕕᑦ ᑖᓂᓯᕈᓯᖓ, 2021
ᑕᕐᓯᑐᕐᓯᒪᔪᖅ ᓵᑦᑐᓴᔭᖅ ᑕᕐᓯᑐᐃᕕᒃ ᐊᒻᒪᓗ ᕿᓚᑦᓱᓯᒪᔪᖅ ᐊᑭᓐᓇᒥᐅᑕᖅ
48 x 185 cm
ᐊᑦᔨᓕᐊᖓ: ᕕᕃᑐᕆᒃ ᓚᐳᐊᑦ
Healing Hands
With Robert (Robbie) Watt (2021) (8:18 min).
ᐊᒡᒉᑦ ᒪᒥᑎᑦᓯᒍᓐᓇᑐᑦ
ᑕᑯᑦᓴᐅᑎᓗᒍ ᕈᐸᑦ (ᐅᔮᐱ) ᒍᐊᑦ
Mains guérisseuses
Avec Robert (Robbie) Watt
Input your search keywords and press Enter.