ᓂᐊᑉ

ᓂᐊᑉ

 

ᓂᐊᑉ (ᓈᓐᓯ ᓵᓐᑕ) ᓵᓚᖃᐅᑎᑖᕐᓯᒪᔪᖅ ᐊᒥᓱᐃᓂᒃ ᑕᑯᒥᓇᕐᑐᓕᐅᕐᑎᐅᓱᓂ ᑰᑦᔪᐊᒥᐅᖅ, ᓄᓇᕕᒻᒥ, ᐱᓇᓱᐊᕐᓯᒪᔭᖏᓪᓗ ᑲᑎᕐᓱᑕᐅᒪᓕᕐᓱᑎᒃ ᒪᓐᑐᔨᐊᓚᒥ ᐊᑯᓂᓂᑕᖃᐅᑎᒧᑦ ᐱᓪᓚᕆᓐᓂᒃ ᑕᑯᒥᓇᕐᑐᓕᐊᒍᓯᒪᔪᓂᒃ, ᑕᑯᒥᓇᕐᑐᓂᒃ ᕿᒥᕐᕈᕕᒻᒧᑦ ᐋᓐᑎᐊᔨᔪᒥ, ᐊᒻᒪᓗ ᐊᕙᑕᖅ ᐱᐅᓯᑐᖃᓕᕆᕕᒻᒥ, ᐊᓯᖏᓐᓄᓗ. ᐊᕐᕌᒍᓂ ᖃᒻᒥᑯᑦ, ᐃᓚᐅᓯᒪᔪᖅ ᐊᒥᓱᐃᓄᑦ ᐃᓚᒌᑦᑐᓄᑦ ᐊᒻᒪᓗ ᐃᓄᑑᑦᑎᑐᓄᑦ ᕿᒥᕐᕈᑕᐅᑎᑦᓯᒋᐊᕐᑐᓂᕐᓄᑦ, ᐊᒻᒪᓗ ᐱᓇᓱᐊᕐᓯᒪᔭᖏᑦ ᐃᓚᒋᔭᐅᑦᓱᑎᒃ INUA-ᒧᑦ, ᓯᕗᓪᓕᐹᒥ ᑕᑯᑦᓴᐅᑎᑦᓯᕕᒻᒧᑦ ᖃᐅᒪᔪᒧᑦ, ᓄᑖᖅ ᑖᓐᓇ ᐃᓄᐃᑦ ᓴᓇᖕᖑᐊᕕᖓ ᕗᐃᓂᐯᒻᒥ ᑕᑯᒥᓇᕐᑐᓂᒃ ᕿᒥᕐᕈᕕᒻᒦᓱᓂ.

ᐅᓪᓗᒥ ᑐᖕᖓᕕᖃᓕᕐᑐᖅ ᒪᓐᑐᔨᐊᓚᒥ ᓂᐊᑉ ᐃᙯᓕᓴᓲᖅ ᐊᓪᓚᖑᐊᕐᓂᒥᒃ, ᒥᖑᐊᖕᖑᐊᓂᕐᒥᒃ, ᓴᓇᖕᖑᐊᓂᕐᒥᒃ, ᖃᓪᓗᓈᕐᑕᓂᒃ, ᑲᑕᑦᔭᓂᕐᒥᒃ, ᐊᒻᒪᓗ ᐊᓯᖏᓐᓂᒃ. ᐊᕐᖁᑎᒋᑦᓱᒋᑦ ᐊᑐᓂᑦ ᓴᓇᔭᖏᑦ, ᖃᐅᔨᒋᐊᓲᖅ ᐊᒻᒪᓗ ᖃᐅᔨᓴᕐᓱᓂ ᓇᓗᓀᕐᓯᒪᐅᑎᒥᓂᒃ ᐃᓄᑐᐃᓐᓇᐅᓱᓂ ᐊᕐᓇᐅᓂᕐᒥᓂᒃ, ᐊᓪᓚᖑᐊᕈᑎᖃᕐᓱᓂ ᐱᔪᑦᓴᐅᔮᓚᕿᐅᑎᖃᕐᓱᓂ ᖃᓪᓗᓈᑦ ᓄᓇᕐᓚᖓᓃᑦᓱᓂ ᐊᒻᒪᓗ ᐊᓇᕐᕋᒥᓂ ᑰᑦᔪᐊᒥ. ᐱᓇᓱᐊᕐᑕᖏᑦ ᐃᓚᒋᓕᐅᑎᓯᒪᓲᑦ ᐱᐅᓯᑐᖃᕐᑎᒍᑦ ᐃᓄᐃᑦ ᓴᓇᖕᖑᐊᕈᓯᖏᓐᓂᒃ ᐊᒻᒪᓗ ᐅᓪᓗᒥ ᐊᑐᕐᑕᐅᕙᓕᕐᑐᓂᒃ, ᑕᑯᒐᑦᓴᓕᐅᕐᓂᑎᒍᑦ ᐊᒻᒪᓗ ᐃᓂᕐᓯᓯᑎᐅᓂᕐᒥᑎᒍᑦ. ᑲᒪᒋᔭᖃᓲᖅ ᓱᓇᖕᖑᐊᓕᐅᕈᓯᓂᒃ ᐊᒻᒪᓗ ᑕᑯᑦᓴᐅᑎᑦᓯᒍᑎᖃᕐᓱᓂ ᐃᓕᒪᔪᓂᒃ ᐅᓪᓗᒥ ᐃᓅᓯᐅᓕᕐᑐᒧᑦ, ᐃᓂᕐᓯᓯᑎᐅᓂᕐᒥᓂᒃ ᐊᑐᖏᓐᓇᓱᓂ ᐊᒻᒪᓗ ᓴᐱᕐᕆᐊᖃᔭᕐᓯᒪᖕᖏᓂᖏᓐᓂᒃ ᓯᕗᓪᓕᕕᓂᕐᒥᑕ. ᑌᒣᒃᑲᒥ, ᓂᐊᑉ ᓄᑕᐅᓪᓕᑎᕆᖃᑕᐅᖏᓐᓇᑐᖅ ᐊᒻᒪᓗ ᓯᕗᓂᕐᒥ ᑕᑯᑦᓴᐅᖏᓐᓇᑎᑦᓯᒋᐊᖃᑕᐅᑦᓱᓂ ᐃᓄᐃᑦ ᓴᓇᖕᖑᐊᑕᕕᓂᖏᓐᓂᒃ, ᑕᑯᑦᓴᐅᑎᓗᒋᑦ ᐊᓐᓂᓇᕐᓂᖏᑦ ᐊᒻᒪᓗ ᐃᓕᖓᑦᓯᐊᓂᖏᑦ ᐅᓪᓗᒥᓂᑕᕐᓄᑦ.

ᓂᐊᑉ
ᐃᓱᒪᐅᑉ ᐃᕙᓗᑦᓴᔭᖓ, 2021
ᐃᕙᓗᑦᓴᔦᑦ, ᖃᓪᓗᓈᕐᑕᖅ ᐊᒻᒪᓗ ᓯᑯᑦᓴᔮᖅ ᓯᑎᔪᔭᒦᑦᑐᖅ ᐃᕐᓯᕕᑦᓴᔭᒥ
35 x 14 cm
ᐊᑦᔨᓕᐊᖓ: ᕕᕃᑐᕆᒃ ᓚᐳᐊᑦ

 

ᒪᑭᓕᕆᑦ!

[Get Up!]

 

I lay here twisted in my sheets,

[ᓇᓚᕗᖓ ᐃᒧᒪᑦᓱᖓ ᕿᐱᒻᒪ ᐃᒻᒧᐊᓂ,]

sadness keeps me motionless.

[ᑲᕙᕐᑎᖓᓂᕐᒧᑦ ᐊᐅᓚᑦᔭᕈᓐᓇᖏᕐᓱᖓ.] 

Sorrow weighs my chest. 

[ᐅᖁᒣᓐᓇᑐᑦ ᐊᕐᑐᓇᕐᐳᑦ ᓴᒃᕕᓂ.]

I wish I were a cat.

[ᑳᑦᑕᐅᓴᓚᐅᕐᓂᕈᒪ.]

Threads of Thoughts
With Niap (Nancy Saunders) (2021) (2:33 min).

ᐊᑕᐅᑎᔪᑦ ᐃᓱᒣᑦ
ᐃᓚᒋᓗᒍ ᓂᐊᑉ (ᓈᓐᓯ ᓵᓐᑕ)

Fils de pensées
With Niap (Nancy Saunders)