ᖄᓇ ᑐᒃᑐ
ᖄᓇ ᑐᒃᑐ ᐊᒥᓱᐃᓂᒃ ᓴᓇᓐᖑᐊᓲᒍᕗᖅ ᓴᓇᓐᖑᐊᑎᐅᑦᓱᓂ, ᓴᓇᓗᐊᓲᖏᑦ ᑕᒐ ᒥᖑᐊᕈᑎᓄᑦ ᒥᖑᐊᓐᖑᐊᓂᕐᒥᒃ, ᓴᐸᖓᓕᕆᓂᕐᒥᒃ ᐊᒻᒪᓗ ᐊᑦᔨᖑᐊᓕᐅᕐᓂᒥᒃ.
ᖄᓇ ᐃᓅᕗᖅ, ᐃᓅᓕᕐᑐᕕᓂᐅᑦᓱᓂ ᐊᒻᒪᓗ ᐱᕈᕐᓴᕕᒋᑦᓱᒍ ᑌᑲᓂ ᑰᑦᔪᐊᒥ, ᓄᓇᕕᒻᒥ, ᑯᐯᒃᒥ. ᑖᓐᓇ ᓴᓇᓐᖑᐊᖃᑦᑕᐸᓪᓕᐊᓯᔪᕕᓂᖅ ᐱᓇᓱᐊᓕᕐᓱᒍ ᓴᓇᓐᖑᐊᓂᖅ ᐱᒐᓱᐊᕐᓂᓴᕆᓯᑦᓱᒍ ᑖᑯᓈᓐᓂ ᐅᑭᐅᒍᑫᓐᓇᑑᓐᓂ ᒪᕐᕉᓂ ᖄᖏᕐᑑᓂ. ᑖᓐᓇ ᖃᒻᒥᖅ ᐱᔭᕇᕈᓯᕋᑖᕐᑐᖅ ᑕᑯᒥᓇᕐᑐᓕᐅᕐᓂᒥᒃ ᐃᓕᓐᓂᐊᒐᕐᓂᒃ ᑌᑲᓂ Dawson College ᓯᓚᑦᑐᓴᕐᕕᖓᓂ ᐊᒻᒪᓗ ᑕᒐᑕᒐ ᐊᐅᓪᓛᓯᒪᓕᕐᒥᓱᓂ ᑰᑦᔪᐊᒧᑦ ᐅᑎᕐᓱᓂ, ᑌᑲᓂ ᐱᓇᓱᐊᕐᑐᖅ ᐊᒻᒪᓗ ᑲᔪᓯᕗᖅ ᓴᓇᑦᔫᒍᑎᒥᓂᒃ ᐱᓇᓱᐊᕐᓱᒍ ᐱᓇᓱᓐᓇᓯᐅᕈᓐᓀᑐᐊᕋᒥ. ᑖᑦᓱᒪ ᐱᓇᓱᐊᕐᑕᖏᑦ ᓂᑦᑕᓚᕆᑦᑐᓂᒃ ᑕᐅᑦᑐᖃᕐᐳᑦ ᐊᒻᒪᓗ ᓱᓇᓐᖑᐊᓕᐊᖏᑦᑕ ᑐᑭᖏᑦ ᓄᐃᑕᑎᑦᓯᓗᐊᓲᑦ ᐃᓅᓯᕐᒧᑦ ᐃᓱᐊᕐᑐᓕᕕᐅᓂᕐᓂᒃ ᐊᒻᒪᓗ ᑫᒥᑕᐅᑦᓱᑎᒃ ᐱᕕᒋᑦᓱᒋᑦ ᐱᐅᓯᑐᖃᕐᒥᑕ ᑐᓐᖓᕕᖏᓐᓂᒃ. ᑖᓐᓇᓗ ᐊᑐᓲᒍᒻᒥᔪᖅ ᑕᒪᑐᒥᖓ ᓴᓇᕐᕈᑎᒋᑦᓱᒍ ᒪᒥᓴᐅᑎᒋᑦᓱᒍ ᐊᒻᒪᓗ ᐱᕙᓪᓕᓇᕐᑐᒥᒃ ᐊᓂᐊᑦᓯᒍᑎᒋᑦᓱᒍ ᓴᒃᕿᑎᕆᑦᓱᓂ.
ᖄᓇ ᑐᒃᑐ
ᐊᖓᔪᒌᒃ ᓄᑲᕇᒃ ᐱᕐᕃᑑᒃ, 2021
ᓄᕕᕐᓴᓴᓕᐊᒍᓯᒪᔪᖅ ᑐᐱᑦᓴᔭᒦᑦᑐᖅ
50 x 30 cm
ᐊᑦᔨᓕᐊᖓ: ᓂᑯᓚᔅ ᓕᑭᑦ
Art, Advocacy and Maternity: Shaping Humanity
With Hannah Tooktoo (2021) (5:37 min).
ᑕᑯᒥᓇᕐᑐᓕᐅᕐᓂᖅ, ᐃᑲᔪᕐᑕᐅᓇᕐᑐᖅ ᐊᒻᒪᓗ ᐃᕐᓂᐅᓂᖅ: ᓴᓇᔪᖅ ᐃᓄᓐᓂᒃ
ᑖᓐᓇᓗ ᖄᓇ ᑐᒃᑐ
Art, militantisme et maternité: façonner l’humanité
Avec Hannah Tooktoo